नेपालगन्ज: नेपालगन्ज उपमहानगरपालिकाले पहिलो प्राथमिकतामा परेकाहरुलाई कोभिसिल्डको दोस्रो डोज खोप लगाईरहेको छ ।

उपमहानगरपालिकाकै कार्यालयमा स्वास्थ्यकर्मी, सरसफाईकर्मी, महिला स्वास्थ्य स्वयमसेविका, सुरक्षाकर्मी, कर्मचारी, पत्रकार र जनप्रतिनिधिहरुले कोभिसिल्ड खोपको दोस्रो मात्रा लगाइरहेका हुन् ।

कोभिसिल्डको पहिलो मात्रा लगाइसकेका र दोस्रो मात्रा लगाउन समय पुगि विविध कारणले छुट भएका लक्षित समुहलाई दोस्रो मात्रा लगाउने भनिएको भएपनि आज बिहानै दोस्रो मात्रा लगाउन बाँकी रहेका लक्षित समुह भन्दा बाहिरका समेत आउँदा खोप लगाउने कार्य ढिला गरि सुरु भएको थियो ।

नगरपालिकाले दिउँसो ३ बजेसम्म कोभिसिल्ड खोपको दोस्रोमात्रा दिइने जनाएको छ ।