नेपालगन्ज २९, कात्तिक
कोरोना संक्रमणका कारण बाँकेमा शनिवार एक जना पुरुषको मृत्यु भएको छ ।
गेरुवा गाउँपालिका-१ बर्दिया निवासी ३५ वर्षिय पुरुषको नेपालगन्ज मेडिकल कलेज कोहलपुरबाट थप उपचारको लागि शिक्षण अस्पताल नेपालगन्ज ल्याउँदै गर्दा मध्यान्ह १२:१५ बजे मृत्यु भएको जिल्ला कोभिड १९ संकट व्यवस्थापन केन्द्रले जनाएको छ ।
स्वास्थ्यमा समस्या देखिएपछि शनिबार बिहान नेपालगन्ज मेडिकल कलेज कोहलपुरमा उपचारका लागि ल्याइएका उनमा कोरोना संक्रमणको आशंकामा श्वाब परीक्षण गरिएको थियो ।
बिहान ८ बजे श्वाब दिएर थप उपचारका लागि नेपालगन्ज ल्याईदै गर्दा मृत्यु भएको अस्पतालले जनाएको छ । संकलन गरिएको श्वाबको रिपोर्ट मृत्यु पश्चात आज दिउँसो ३ बजे आउँदा कोभिड-१९ पोजिटिभ पुष्टी भएको हो ।
योसँगै बाहिरी जिल्लाबाट आई बाकेँमा उपचारका क्रममा मृत्यु हुनेहरुको संख्या ३५ पुगेको छ
