नेपालगन्ज २९, कात्तिक ।
बाँकेका विभिन्न आइसोलेसनमा रहेका ३१ जना शनिबार डिस्चार्ज भएका छन् ।
कात्तिक १९ गते कोरोना संक्रमण पुष्टि भएपछि विभिन्न आइसोलेसनमा आइसोलेट भएका उनिहरु आज डिस्चार्ज भएको जिल्ला कोभिड-१९ संकट व्यवस्थापन केन्द्रले जनाएको छ । १६ जना महिला र १५ जना पूरुष गरि ३१ जना संक्रमण मुक्त भएका हुन् ।
योसँगै बाँकेमा संक्रमण जितेर डिस्चार्ज हुनेको कुल संख्या ३ हजार २६९ पुगेको छ । जिल्लाका २४३ जना र जिल्ला वाहिरका २८ जना गरि २७१ जना विभिन्न आइसोलेसनमा स्वास्थ्य लाभ गरिरहेका छन् ।
अहिलेसम्म बाँकेका ३६ जना र जिल्ला बाहिर बाट उपचारका लागि आएका ३४ जना गरि ७० जनाले कोरोना संक्रमणका कारण ज्यान गुमाएको केन्द्रले जनाएको छ ।
