नेपालगन्ज १६, कात्तिक ।
कोरोना भाइरस संक्रमणबाट नेपालगन्जमा थप एकजनाको ज्यान गएको छ । नेपालगन्ज उमपहानगरपालिका-१६ जयसपुरकी ७० बर्षीया महिलाको भेरी अस्पताल नेपालगन्जमा आइतवार साँझ ५ बजे ज्यान गएको अस्पतालले जनाएको छ ।
स्वास्थ्यमा समस्या देखिएपछि उनी असोज १२ गते अस्पताल भर्ना भएकी थिइन् । श्वासप्रश्वासमा समस्या देखिएपछि उनको त्यसैदिन कोरोना परीक्षणका लागि स्वाब संकलन गरिएको थियो ।
त्यसको भोलिपल्ट रिपोर्ट कोरोना पोजेटिभ आएको थियो । योसँगै बाँकेमा कोरोना भाइरस संक्रमणबाट मृत्यु हुनेको संख्या ३३ पुगेको छ ।
