बुटवल १७, साउन ।
लुम्बिनी प्रादेशिक अस्पताल बुटवलमा आफै परीक्षण गराउन गएका २ जनामा कोरोना भाइरसको संक्रमण पुष्टि भएको छ। बुटवल उपमहानगरपालिका वडा नं. ६ ठेगाना टिपाएका उनीहरु भने सम्पर्कविहीन छन्। उनीहरुले दिएको मोबाइल नम्बरमा सम्पर्क गर्दा सम्पर्क हुन नसकेको लुम्बिनी प्रादेशिक अस्पतालका सूचना अधिकारी डा.विष्णु गौतमले जानकारी दिनुभयो ।
उनीहरुले ५५ सय रुपैयााँ शुल्क तिरेर शुक्रबार स्वाब दिएका थिए । शनिवार उनीहरुको रिपोर्ट पोजेटिभ आएको डा.गौतमले बताउनुभयो । परिक्षणमा पोजेटिभ देखिएका व्यक्ति नै सम्पर्कमा नआउँदा उनीहरुको ट्राभल हिस्ट्री पत्ता लगाउन समस्या भएको छ।
रोजगारको शिलशिलामा भारतबाट आएका उनीहरुले रोजगारदाता कम्पनीमा जानुअघि परीक्षण गराउन आएको बताएका थिए।
