हाम्रो पात्रोले लामो समयदेखि विशेषज्ञ डाक्टरहरूलाई आबद्ध गरेर अडियो/भिडियो कलमार्फत् प्रयोगकर्ताहरूलाई स्वास्थ्य सेवा प्रदान गर्दै आइरहेको छ । ‘हाम्रो प्राथमिकता नेपाली नागरिकलाई स्वास्थ्य सेवामा सहज पहुँच उपलब्ध गराउनु हो । घरमै खोप सेवा शुरू गर्नु हाम्रो यही यात्राको अर्को महत्त्वपूर्ण कदम हो,’ हाम्रो पात्रोका निर्देशक सुदिना गौतमले भनिन्, ‘सर्वोनिदान क्लिनिकसँगको समन्वयले सेवा अझ सुरक्षित र चिकित्सकीय रूपमा व्यवस्थित बन्न मद्दत गरेको छ।’

‘घरमै खोप सेवा’ किन ?

जाडो याम शुरू भएसँगै फ्लु संक्रमणको जोखिम बढ्ने भएकाले वृद्धवृद्धा, दीर्घरोगी तथा कमजोर रोग प्रतिरोधक क्षमता भएका संवेदनशील  व्यक्तिहरूका लागि समयमै खोप लगाउनु लाभदायक हुन्छ। तर अस्पताल वा क्लिनिक जान नसक्ने धेरै परिवारका लागि खोपको पहुँच चुनौतीपूर्ण छ।

त्यसैले, हाम्रो पात्रोको ‘घरमै खोप सेवा’ले सुरक्षित, छिटो, भरपर्दो सेवा प्रदान गरेर इच्छुक प्रयोगकर्ताहरूको यस समस्यालाई समाधान गर्छ । प्रयोगकर्ताले हाम्रो पात्रो एपमार्फत खोप सेवा सहजै बुक गर्न सक्छन् ।

सेवा कसरी प्राप्त गर्ने?

– हाम्रो पात्रो एप खोलेर होमपेजमा भएको ‘Vaccine at Home’ लेखेको ठाउँमा क्लिक गर्नुहोस्

– त्यहाँ आफ्नो नाम, फोन नम्बर र ठेगाना भर्नुहोस्

– खोप लगाउन चाहने समय छान्नुहोस्

– प्रमाणित नर्स/स्वास्थ्यकर्मी तपाईंको घरमै आउँछन्

– सेवा सम्पूर्ण रूपमा सुरक्षित, निजी र विश्वसनीय छ

एपमा खोपसम्बन्धी सबै महत्त्वपूर्ण जानकारी जस्तै, कसले लगाउन मिल्छ?, कसलाई नलगाउनु राम्रो ?, साइड इफेक्ट, सम्पर्क आदि स्पष्ट रूपमा उपलब्ध छ भने घरमै सेवा लिँदा ३ हजार ९ सय रुपैयाँ खोप शुल्क तिर्नुपर्ने हुन्छ।