नेपालगन्ज: भुकम्पबाट घाइते भएकालाई बाँकेका विभिन्न अस्पतालमा उपचारको व्यवस्था मिलाइएको छ । भेरी अस्पताल नेपालगन्ज, आर्मी अस्पताल र नेपाल प्रहरी अस्पतालमा १०५ बेडको व्यवस्था मिलाइएको छ ।
भेरी अस्पतालमा ८० बेड भुकम्पबाट घाइते भएकालाई छुट्याइएको अस्पतालका सूचना अधिकारी डा. संकेत रिसालले जानकारी दिनुभयो । यस्तै आर्मी अस्पतालमा २० र प्रहरी अस्पतालमा ५ बेड छुट्याइएको छ ।
भेरी नगरपालिका-३ जाजरकोटका ४८ वर्षीय बिमल कुमार कार्कीलाई उपचारका लागि भेरी अस्पतालमा भर्ना गरिएको छ ।
