[कविता]

मैले के देख्छु ? के भेट्छु ?
अध्यारो रातमा उज्यालो स्वप्न देख्छु मैले ।
आफ्नै छायाले विपनामा ढलेको भेट्छु मैले ।
न्यानो ओछ्यानमा चिसो निन्द्रा भेट्छु मैले ।
प्रचण्ड उष्णमा शीतल जुनकीरी भेट्छु मैले ।
मैले के देख्छु ? के भेट्छु ?

यहाँ यकृत जलाएर मुटु दह्रो पारेको देख्छु मैले ।
मनभरी आशा र मस्तिष्क भरी भरोसा लिएर बाँचेको भेट्छु मैले ।
आफ्नै कांधमा बुर्कुसी मारेर प्यास मेटेको देख्छु मैले ।
खुला आकाशमा खुट्टा बाधिएर बिचरण गरिरहेको चरी भेट्छु मैले ।
मैले के देख्छु ? के भेट्छु ?

(कलेजो रोग विशेषज्ञ डा. हमाल प्रहरी अस्पताल नेपालगन्जमा कार्यरत हुनुहुन्छ भने ओलस्का रामारोशन मेडिकल नेपालगन्जमा पनि आबद्ध हुनुहुन्छ।)