नेपालगन्जः नेपालगन्जको जमुनाह नाकामा आज थप ३७ जनामा कोरोना भाइरस संक्रमण पुष्टि भएको छ ।
भारतबाट फर्किएका ६ सय ६० जनाको एन्टिजेन परीक्षण गर्दा १० जना महिलासहित ३७ जनामा भाइरस संक्रमण पुष्टि भएको हो । ती संक्रमितहरुलाई एम्वुलेन्समार्फत नेपालगन्जको बालमन्दिर आइसोलेसनमा ल्याइएको छ ।
उनीहरुलाई सम्वन्धित पालिकामा पठाउने तयारी भइरहेको जिल्ला कोभिड–१९ संकट व्यवस्थापन केन्द्रका फोकल पर्सन तेज वलीले जानकारी दिनुभयो ।
