नेपालगन्ज: हिमालयन ड्रग हाउसका बजार प्रतिनिधि (एमआर) रोशन चलाउनेको निधन भएको छ ।
केहि महिनादेखि क्यान्सर रोगसँग लडिरहेका चलाउनेको आज बिहान ५ बजे मृत्यु भएको नेपाल औषधी तथा विक्रि प्रतिनिधि संघ नेपालगन्ज इकाईका अध्यक्ष डि.आर पाण्डेले जानकारी दिनुभयो ।
बर्दिया राजापुर घर भएका चलाउने विगत ४ वर्षदेखि औषधी कम्पनीमा बजार प्रतिनिधिको रुपमा काम गर्दै आउनु भएको थियो।
चलाउनेको दुखद निधनमा नेपाल औषधी तथा विक्रि प्रतिनिधि संघ नेपालगन्ज इकाईले शोक वक्तव्य जारी गर्दै दुख व्यक्त गरेको छ ।
उहाँको आजै हिन्दु परम्मरा अनुसार अन्त्यष्टि गरिएको छ ।
