चितवन: चितवनको भरतपुर अस्पतालमा रहेको ‘एमआरआई’ मेसिनको उद्घाटन गरिएको छ ।
स्वास्थ्य मन्त्रि प्रदिप पौडेलले आज सोमबार औपचारीक रुपमा ‘एमआरआई’ मेसिनको उद्घाटन गर्नुभएको हो । सेवा सञ्चालन भएको करिब दुई महिनापछि ‘एमआरआई’ मेसिनको उद्घाटन गरिएको हो । अस्पतालले असार २७ गतेदेखि एमआरआई सेवा सञ्चालन गरेको थियो ।
स्वास्थ्य बीमाले तय गरेको नौ हजारदेखि १४ हजार शुल्कमा उपकरणबाट स्वास्थ्य परीक्षण हुने अस्पतालले जानकारी दिएको छ । यहाँ दैनिक २५ जना हाराहारीले सेवा लिने गरेका छन् ।
संघिय सरकारले उपलब्ध गराएको २५ करोड र अस्पताल विकास समितिको पाँच करोड गरी ३० करोड रुपैयाँमा मेसिन जडान गरिएको अस्पतालका सूचना अधिकारी गोपाल पौडेलले जानकारी दिए ।
