नेपालगन्जः मातातिर्थ औंसीको दिन पारेर भोलि नेपालगन्जमा निः शुल्क स्वास्थ्य शिविरको आयोजना गरिएको छ । नेपालगन्ज वीपी चोक नजिकै रहेको ग्रीन सिटी फार्मेसीले विशेषज्ञ चिकित्सकसहितको निःशुल्क स्वास्थ्य शिविर आयोजना गरेको संचालक समेत रहनु भएका फर्मासिस्ट लक्ष्मी नारायण न्यौपानेले जानकारी दिनुभयो ।

प्रसूति तथा स्त्री तथा प्रसुती रोग विशेषज्ञ डा एलिश श्रेष्ठले महिलालाई उपचार तथा परामर्श सेवा दिनुहुने छ । पाठेघरको समस्या, तल्लो पेट दुख्ने, सेतो पानी बग्ने, महिनावारी गडबडी एवम् निःसन्तान सम्बन्धी समस्या भएका आमा तथा दिदिबहिनीहरुलीई बिहान ८ देखि १० बजे र दिउँसो ३ बजे पछि निशुल्क चेकजाँच र परामर्श सेवा प्रदान गरिने न्यौपानेले बताउनुभयो ।