नेपालगन्जः बर्दियाको गेरुवा गाउँपालिका वडा नं.५ स्थित पशुपतिनगर स्वास्थ्य चौकीमा आज निशुल्क प्राथमिक कान उपचार शिविर सम्पन्न भएको छ ।
ब्रिनोज कान स्वास्थ्य सामुदायिक सेवा, नेपालगन्जको आयोजना र प्राविधिक सहयोग तथा गेरुवा गाउँपालिकाको समन्वयमा शिविर सम्पन्न भएको हो । शिविरमा एक सय ५० जनाको कान जाँच गरिएको थियो ।
७० जना पुरुष र ८० जना महिलाले सेवा लिएका थिए । जसमा ३६ जनामा कान पाक्ने समस्या देखिएको चेकजाँचमा संलग्न चिकित्सकहरुले बताए ।
यस्तै १७ जनामा कानेगुजी फेला परेको थियो । कान शिविरमा सहायक कान चिकित्सक भिषण कुमार थारु र दामोदर चौधरीले चेकजाँच गरेका थिए ।
