नेपालगन्जः बाँकेको खजुरामा रहेको सुशील कोइराला प्रखर क्यान्सर अस्पताल रेडियोलोजी विभागमा आगलागी भएको छ । आज अपरान्ह चार बजे विभागको सिटि स्क्यान रुमबाट धुवाको मुस्लो निस्किएको अस्पतालका कार्यकारी निर्देशक डा.प्रकाश प्रसाद साहले जानकारी दिनुभयो ।
रेडियोलोजी विभागको छुट्टै भवन छ । यहाँ अल्ट्रासाउण्ड, एक्स रे, लिन्याक मेसिन, सिटि स्क्यानलगायतका उपकरण छन् । सिटि स्क्यान रुमबाट अर्को रुममा पनि आगो फैलिएको छ । नेपालगन्जबाट गएको दमकलबाट आगलागी नियन्त्रणमा आइसकेको छ । आगलागी नियन्त्रणमा आएपनि धुवा भने अझै हटेको छैन ।
आगलागीबाट उपकरणमा क्षती पुगेको छ । यद्यपी कति क्षती भएको हो त्यो बारे प्राविधिक टिमले अध्ययन गरेपछि मात्रै थाहा हुने कार्यकारी निर्देशक साहले बताउनुभयो । उहाँका अनुसार विद्युत सर्ट भएर आगलगाी भएको हुन सक्छ ।
