नेपालगन्ज: बाँकेमा भोलिदेखी रक्तदान कार्यक्रम स्थगित गरिने भएको छ । भूकम्पबाट घाइते भएकाहरुको उपचारका लागि नेपालगन्ज रक्तसञ्चार केन्द्रमा खुल्ला रक्तदान कार्यक्रमको आह्वान गरिएको थियो ।
अहिलेलाई पुग्ने पुग्ने जति रगत स्टक भैसकेकाले भोलिदेखि आवस्यकता नपर्दासम्मका लागि रक्तदान कार्यक्रम स्थगित गरिएको जिल्ला आपतकालीन कार्यसन्चालन केन्द्र बाँकेका फोकलपर्सन नरेश श्रेष्ठले जानकारी दिनुभयो । तर आज सम्म भने रक्तदान कार्यलाई जारी राखिएको पनि श्रेष्ठको भनाइ छ ।
अहिले रक्तसञ्चार केन्द्रमा २४० पिन्ट रगत स्टक रहेको छ । `अहिलेलाई रक्तदान नगरौं, आवश्यक परे भनौंला´श्रेष्ठले भन्नुभयो । हाल भेरी अस्पतालमा सबै प्रकारका बिरामीको लागि आवश्यक परेमा रगतको अभाव नभएको जनाइएको छ ।
