नेपालगन्जः स्वास्थ्य तथा जनसंख्यामन्त्री मोहन बस्नेत भोलि बाँके आउन लाग्नुभएको छ । खजुरास्थित सुशील कोइराला प्रखर क्यान्सर अस्पताल निरीक्षणका लागि स्वास्थ्यमन्त्री बस्नेत बाँके आउन लाग्नुभएको हो ।
नेपाली काँग्रेसका केन्द्रीय सदस्य समेत रहनुभएका मन्त्री बस्नेत दिउँसो श्री एयरलायन्सबाट नेपालगन्ज आउन लाग्नु भएको नेपाली काँग्रेस बाँकेका सचिव शुधान्शु कोइरालाले जानकारी दिनुभयो ।
मन्त्री बस्नेतले खजुरा क्यान्सर अस्पतालको अनुगमनसँगै नयाँ पोष्टअपरेटर र बालकयान्सर वार्डको उद्घाटन गर्ने कार्यक्रम रहेको अस्पतालका निर्देशक डा. निरज भट्टराईले जानकारी दिनुभयो ।
स्वास्थ्य मन्त्री भइसकेपछि बाँके आउन लागेको यो दोस्रो पटक हो । यसअघि उहाँले भेरी अस्पतालको निरीक्षण गर्नुभएको थियो ।
