नेपालगन्जः लमजुङ जिल्ला अस्पतालका डाक्टर सन्दीद अधिकारीलाई हातपात गर्ने व्यक्ति वेसीशहर नगरपालिका ७ का वडाध्यक्ष ऋषि बस्नेत पक्राउ परेका छन्।
वडाध्यक्ष बस्नेतले गएराति अस्पतालमै डा. अधिकारीमाथि हातपात गरेको जिल्ला प्रहरी कार्यालय लमजुङका सूचना अधिकारी थानेश्वर चपाईंले जानकारी दिनुभयो । डाक्टरसँगको विवादपछि वडाध्यक्षले मुक्का प्रहार गरेको चपाईंले बताउनुभयो।
घटना मिलाउन बिहानैदेखि छलफल भएको थियो। तर, मिल्न नसकेपछि डाक्टरहरुले उजुरी दिने तयारी गरेको लमजुङ प्रहरीका सूचना अधिकारी चपाईंले बताउनुभयो ।
