नेपालगन्जः औषधि व्यवस्था विभागले १०३ प्रकारका प्रति जैविक (एन्टिबायोटिक) औषधिको प्रयोगलाई निषेध गरेको छ । विभागले आज उपचारमा प्रभावकारी नदेखिएका औषधिको सूची प्रकाशन गरी जानकारी दिएको हो ।

विभागका महानिर्देशक नारायणप्रसाद ढकालकाद्वारा जारी सूचनामा प्रति जैविक औषधिको सम्मिश्रण र सो औषधिहरूको सम्मिश्रण उत्पादन तथा आयातलाई प्रतिबन्ध लगाइएको उल्लेख गरिएको छ ।

विभागले १०३ प्रकारका प्रति जैविक मौज्दात औषधिहरूको व्यवस्थापन तथा बिक्री गर्न ६ महिनाको समय तोकेको सूचनामा उल्लेख गरिएको छ । यी औषधिका सम्मिश्रणहरू प्रभावकारी नभएको तथ्य विश्व स्वास्थ्य सङ्गठनको प्रतिवेदनमा उल्लेख गरिएको छ ।