आदरणिय प्राडा श्रीकृष्ण गिरी सर,
सर्वप्रथम सादर नमस्कार

मेरिटोक्रेसी कायम भएर भर्ना गरिएको कुरामा  तपाई‌ं पूर्ण रुपमा विश्वस्त हुनुहुन्छ भने टिभीमा प्रचारबाजी गर्दै हिंड्नुको साटो अदालतमा बहस टुङ्ग्याउन आयोगको तर्फबाट गरिनुपर्ने प्रक्रियाहरु किन पूरा गर्नुहुन्न। हस्पिटल, प्रतिष्ठानमा वर्कफोर्स छैन, विद्यार्थीहरुले पढ्न पाएका छैनन्, आयोगको कारण मुद्दाको पेशी सरेको सरै भएर फैशला ढिलाई भैरहेके छ तर आदरणिय गिरी सर टिभीमा प्रचारबाजी मै ब्यस्त हुनुहुन्छ। हामी विद्यार्थीले त अदालतले जस्तो सुकै अन्तिम फैसला दिएपनि त्यसलाई स्वीकार गरेर अगाडी बढ्न तयार छाैं।

अब हाम्रो शैक्षिक सेसन धेरै ढिलो हुँदै गयो  आदरणिय गिरी सरले पनि आफ्नो विद्वता कायम गर्दै अदालति प्रक्रिया जानाजान ढिलो गर्ने कार्य बन्द गर्न पर्‍यो। तपाईं आफै, तपाईंको परिवार सबै मेडिकल क्षेत्रमा हुँदाहुँदै जानाजान मेडिकल क्षेत्र धोस्त पार्ने काम  गर्नु भएन। तपाईं र तपाईंको परिवार विदेशमा सेटल भई बस्न सक्लान तर म जस्ता डाक्टरहरुको कर्मथलो नेपाल नै हो । हाम्रो शैक्षिक भविष्य अन्धकार नबनाईदिनुहोस्। धन्यबाद।