नेपालगन्जः फार्मेसी सहायक तर्फको २१ औँ नाम दर्ता परीक्षा (लाइसेन्स) २६१ जना उर्तिण भएका छन् ।
नेपाल फार्मेसी परिषदले काठमाडौंमा लिएको लाइसेन्स परीक्षामा १६ दशमलव ५० प्रतिशत अर्थात् २६१ जना परीक्षार्थी मात्र उत्तीर्ण भएका हुन्।
परीक्षाका लागि स् १ हजार ६३४ जनाको स्वीकृत आवेदन परेको थियो। जसमध्ये १ हजार ५८२ जना परीक्षामा उपस्थित भएका थिए भने ५२ जना अनुपस्थित थिए।
विद्यार्थीको शैक्षिक स्तर कमजोर भएको र शिक्षण संस्थामा दक्ष जनशक्तिको अभावका कारण परीक्षाको नतिजा सन्तोषजनक नआएको परिषदका रजिष्ट्रार सन्जिव कुमार पाण्डेयले बताउनुभयो।
यो नतिजाले फार्मेसी शिक्षाको स्तर र शिक्षण संस्थामा दक्ष जनशक्तिको अभाव रहेको प्रष्ट्याएको छ ।
परीक्षाको नतिजा पुर्न जाँच गर्न चाहने विद्यार्थीले काउन्सिलमा आजदेखि ३० दिनभित्रमा निवेदन समेत दिन सक्ने उहाँले जानकारी दिनुभयो। परीक्षाको नतिजा काउन्सिलको वेबसाइडमा गएर समेत हेर्न सकिनेछ।
