नेपालगन्जः शाही डेन्टल क्लिनिक नेपालगन्जले आगामी आइतवारदेखि एक हप्ते दन्त स्वास्थ्य शिविरको आयोजना गरेको छ ।
क्लिनिक म्यानेजर करिष्मा शाहीका अनुसार सुर्खेतरोड स्थित क्लिनिकमै दन्त स्वास्थ्य शिविरको आयोजना गरिएको हो ।
उक्त शिविरमा निःशुल्क दन्त चेकजाँच, एक्स रे तथा दाँत निकाल्ने सेवा पनि निःशुल्क हुनेछ । अन्य सेवामा पनि ५० प्रतिशत छुटको व्यवस्था गरिएको उहाँको भनाइ छ ।
दन्त स्वास्थ्य बारे सचेतना फैलाउने र दन्त उपचार सेवालाई सहज र सरल बनाउन शिविर आयोजना गरिएको शाहीले बताउनुभयो ।
