नेपालगन्जः नेपालगन्जमा दादुराको महामारी फैलिएको छ । दादुरा अर्थात मिजल्स एक भाइरसको संक्रमणबाट लाग्ने अत्यन्तै संक्रामक रोग हो । संक्रमण भएको व्यक्तिबाट यो भाइरस तीब्र गतिमा सर्ने र फैलिने भएकाले यसले तत्काल महामारीको रुप लिने गर्छ ।
लक्षण
-ज्वरो आउने ।
-सुख्खा खोकी लाग्ने ।
-सिँगान बग्ने ।
-आँखा रातो हुने ।
-ज्वरो आएको तीन चार दिन पछि अनुहार तथा शरीरका अन्य भागमा रातो दानाहरु आउने ।
कसरी सर्छ ?
-संक्रमित व्यक्तिबाट यो रोग अति नै सजिलोसँग फैलिन सक्छ ।
-रोगीले हाछ्युँ गर्दा, खोक्दा भाइरस सजिलो गरेर अरु व्यक्तिमा सजिलै फैलिन्छ ।
-हातले संक्रमित सतह छोएर नाक, आँखा, मुख छुँदा सजिलै सर्न सक्छ ।
उपचार र रोकथम
-यसको उपचार लक्षण अनुसार हुन्छ ।
– भिटामिन ए दिने ।
-संक्रमित व्यक्तिलाई अन्य व्यक्तिहरुसँग घुलमिल गर्न नदिने
-पोषणयुक्त खाने कुराहरु खाने ।
-पर्याप्त झोलिलो खाने कुरा खाने ।
-यसबाट जोगिने सबैभन्दा उत्तम उपाय खोप नै हो ।
(वरिष्ठ बालरोग विशेषज्ञ डा रोमा वोरा कान्ति आरोग्य अस्पताल नेपालगन्जमा कार्यरत हुनुहुन्छ ।)
