नेपालगन्जः निवर्तमान स्वास्थ्य तथा जनसङ्ख्यामन्त्री भवानीप्रसाद खापुङले आफ्नो कार्यकालमा धेरै नयाँ काम नभए पनि उपलब्धी भने भएको बताउनु भएको छ ।
आज स्वास्थ्य मन्त्रालयले आयोजना गरेको बिदाइ कार्यक्रममा बोल्दै उहाँले आफ्नो छ महिने कार्यकालमा नयाँ सुरुआत नभए पनि कैयन उपलब्धी भएको छ भन्नुभयो ।
उहाँले कार्यकालमा आधारभूत अस्पताल निर्माणलाई तीव्रता दिएको तथा कोरोना महामारीविरुद्धको खोप लगाउने कार्यमा सफलता मिलेको भन्दै विश्व स्वास्थ्य सङ्गठनले समेत प्रशंसा गरेको बताउनुभयो ।
“मेरो कार्यकालमा जे जति काम भएका छन् त्यसको श्रेय सबै स्वास्थ्यकर्मी र कर्मचारीलाई पनि जान्छ”, उहाँले भन्नुभयो “यसका लागि मन्त्रालयका कर्मचारीलाई धन्यावाद दिन्छु।”