नेपालगन्ज: स्वास्थ्य कार्यालय बाँकेका खोप तथा नसर्ने रोग फोकल पर्सन नरेश श्रेष्ठ `डा अम्बेकर एक्सीलेन्सी सर्भिस नेशनल अवार्ड २०२२´ बाट सम्मानित हुनु भएको छ।
भारतको नयाँ दिल्लीमा आज आयोजित एक कार्यक्रमका बीच भुतपुर्व संघीय सामाजिक न्याय तथा शसक्तिकरण मन्त्री डा शक्ति नारायण जतिया र रेल वे मन्त्री रमेश चन्द्र रातनले श्रेष्ठलाई सम्मान सहित अवार्ड प्रदान गर्नु भएको हो ।
दलित पछाडी परेको समूहलाई सामाजिक तथा स्वास्थ्य सेवा प्रदान गरि नेपाली तथा भारतीय समुदायमा उनीहरुको अबस्थामा सुधार गर्न महत्त्वपूर्ण योगदान पुर्याएको भन्दै श्रेष्ठलाई अवार्ड प्रदान गरिएको हो ।
श्रेष्ठ नेपालको दुर्गम जिल्ला हुम्लामा ११ वर्ष सेवा गरि त्यहाँका नागरिकको स्वास्थ्य सेवा प्रबर्द्धनमा महत्त्वपूर्ण योगदान पुर्याउनु भएको छ । यसअघि श्रेष्ठ प्रवल जनसेवा श्री ( चौथो), नेपाली सेनाबाट प्रधानसेनापति प्रंशसा, कोभिड हिरोलगायतबाट सम्मानित भैसक्नु भएको छ ।