वैदेशिक रोजगार ऐन २०६४ को दफा ७२ अनुसार वैदेशिक रोजगारमा जाने कामदारको स्वास्थ्य परीक्षण गराउने संस्था पुस मसान्तभित्र नवीकरण गराई सक्नुपर्ने प्रावधान छ । सोही आधारमा नवीकरणका लागि आवेदन दिन अनुरोध गरेको हो । मन्त्रालयले गत वर्ष २१६ स्वास्थ्य संस्थाको नवीकरण गरेको थियो ।

नवीकरणका लागि निवेदन दिँदा साथमा वैदेशिक रोजगार कल्याणकारी कोषमा ५ हजार रूपैयाँ दस्तुर समेत बुझाउन भनिएको छ ।

त्यस्तै गत आर्थिक वर्षको कर चुक्ता प्रमाणपत्रको प्रतिलिपि, लेखापरीक्षण प्रतिवेदन, स्वास्थ्य मन्त्रालय वा अन्तर्गत संस्था सञ्चालनको अनुमतिपत्रको प्रमाणपत्र र त्यसको नवीकरणको प्रतिलिपि तथा नाम, स्वामित्व र ठेगाना परिवर्तन भएको भए त्यसको प्रतिलिपि पेस गर्न भनेको छ ।