नेपालगन्ज: स्वास्थ्यमा जटिल समस्या देखिन थालेपछि प्राडा गोविन्द केसीलाई काठमाडौ टिचिङ हस्पिटल लगिएको छ ।
चिकित्सा शिक्षा र स्वास्थ्य सेवा सुधारको माग राख्दै आमरण अनशनमा बस्नु भएका प्राडा केसीलाई उहाँकै खर्चमा टिचिङ हस्पिटल लगिएको हो ।
सरकारले एयर लिफ्ट गर्न खोज्दा नमानेका डा केसी आज ४:४५ बजेको श्री एयरलाइन्सको विमान मार्फत काठमाडौं लगिएको छ ।
अनशनका कारण स्वास्थ्य अवस्था बिग्रिएका कारण डा केसीसँग सेती अस्पतालका दुई जना चिकित्सकसहितको टोली पनि सँगै गएको छ ।
डा केसीसँगै रहेका डा अमृत जैशीका अनुसार डा केसीलाई अक्सिजन र स्लाइन चढाउनु पर्ने भएकाले विमानमा पनि अक्सिजनको व्यवस्था गरेर काठमाडौ लगिएको हो ।
सात बुँदे माग राखेर डा केसी १० दिनदेखि आमरण अनशननमा हुनुहुन्छ। सरकारले वार्ता टोली गठन गरे पनि वार्ता सफल भने हुन सकेको छैन।