नेपालगन्जः सहरी विकास मन्त्री मेटमणि चौधरीले नेपालगन्जस्थित भेरी अस्पतालको नवनिर्मित भवनको आज निरीक्षण गर्नु भएको छ ।
नवनिर्मित भवनको निरीक्षण गर्दै मन्त्री चौधरीले औंला गनेरै तीन महिनामा काम सक्न निर्देशन दिनुभएको छ ।
निर्माण व्यवसायीले पनि तीन महिनाभित्रै काम सक्ने प्रतिबद्धता जनाएका छन् ।
मन्त्री चौधरीलाई अस्पताल विकास समितिका अध्यक्ष प्रमोद धिताल र मेडिकल सुपरिटेन्डेन्ट डा वद्री चापागाईंले स्वागत गर्दै अस्पतालले प्रदान गरिरहेको सेवा र समस्या बारे अवगत गराउनुभएको थियो ।
मन्त्री चौधरीले आजै बाँकेको जानकी गाउँपालिका–३ मा सिकल सेल र सामुदायिक अस्पताल तथा अनुसन्धान केन्द्रको शिलान्यास गर्नुभएको छ ।
