भेरी अस्पतालका एक्ला न्यूरो सर्जन डा.जोशन न्यौपानेले विगत तीन वर्षदेखि नेपालगन्जलाई कर्मथलो बनाएर सेवा दिइरहनुभएको छ । यसअघि उहाँले नेपालगन्ज मेडिकल कलेज शिक्षण अस्पतालमा बसेर सेवा दिनुभएको थियो ।

यसक्षेत्रका करिव २० हजार विरामीलाई उहाँले परामर्श र उपचार सेवा दिइसक्नुभएको छ । १२ देखि १५ सयको हाराहारीमा शल्यक्रिया नै गर्नुभएको छ । काठमाडौंस्थित अन्नपूर्ण न्यूरो अस्पतालको अनुभव समेत हासिल गरिसक्नुभएका डा.न्यौपानेको आगमनले भेरीको न्यूरो सेवा प्रभावकारी र गुणस्तरीय हुने विश्वास गरिएको छ ।

डा.न्यौपाने नेतृत्वको टीमले भेरीमा न्यूरो सेवा दिन थालेपछि यसक्षेत्रका विरामीले कम खर्चमा उपचार सेवा पाउन थालेका छन् ।