नेपालगन्जः नेपालगन्ज उमहानगरपालिकाले गर्भवती तथा सुत्केरी आमाहरुलाई आजदेखि खाद्य वस्तु वितरण सुरु गरेको छ ।
नेपालगन्ज उपमहानगरपालिकाभित्र सुनौलो १००० दिनका अति विपन्न तथा गरिव गर्भवति तथा सुत्केरीहरुलाई पोषिलो खाद्य वस्तु वितरण सुरु गरिएको स्वास्थ्य महाशाखाका जनस्वास्थ्य निरीक्षक जागेश्वर वस्नेतले जानकारी दिनुभयो ।
उहाँका अनुसार आज पहिलो दिन नेपालगन्ज उपमहानगरपालिकाका नगर प्रमुख प्र्रशान्त विष्ट, उपप्रमुख कमरुद्दिन राई लगायतले गर्भवति तथा सुत्केरी आमाहरुलाई खाद्य बस्तु हस्तान्तरण गर्नुभएको हो ।
मसिनो चामल, दाल, तेल, आयोडिनयुक्त नुन, अण्डा, एक किलो स्वाउसहितको खाद्य तथा पोषण प्याकेज र त्यसमा नङकट र सावुन समेत समावेश गरेर प्याकेज तयार पारिएको हो । करिव २१ सय रुपैयाँ बराबरको प्याकेज प्राप्त गरेपछि गरिव तथा अति विपन्न गर्भवति तथा सुत्केरीले राहत महसुस गरेका थिए ।
नेपालगन्ज उपमहानगरपालिकामा एक सय जना गर्भवति तथा सुत्केरीलाई खाद्य वस्तु वितरणको लक्ष्य लिइएको पनि निरीक्षक बस्नेतले बताउनुभयो ।