नेपालगन्जः ५ देखि ११ वर्षसम्मका बालबालिकालाई लगाइने फाइजर खोप (बायोएन्टेकको पेडियाट्रिक) खोप बुधवार बाँकेका आठवटै पालिकामा पु¥याइएको छ ।
स्वास्थ्य कार्यालय बाँकेलाई प्राप्त ८० हजार मात्रा फाइजर खोप जिल्लाका आठवटै पालिकामा पु¥याइएको खोप फोकलपर्सन नरेश श्रेष्ठले जानकारी दिनुभयो । उक्त खोप भोली विहीबारदेखि बालबालिकालाई लगाइने छ ।
स्थानीय तह स्वास्थ्य शाखाले तोकेको ८१ वटै वडाका खोप केन्द्रबाट खोप सेवा प्रदान गरिने श्रेष्ठले बताउनुभयो । उहाँले आफ्ना बालबालिकाहरुलाइ आफ्नो बिद्यालय वा तोकिएको खोप केन्द्रमा लगि खोप लगाउन पनि आग्रह गर्नुभयो ।
५ देखि ११ वर्षका बालबालिकाका लागि शून्य दशमलब २ एमएलका दरले दुई डोज लगाउनुपर्ने फाइजर कम्पनीले जनाएको छ।
१२ वर्षभन्दा माथिका सबै उमेर समूहमा शून्य दशमलब ३ एमएलका दरले दुई डोज लगाइएको थियो । स्वास्थ्य कार्यालय बाँकेका अनुसार ७६ हजारबढी बालबालिकालाई कोभिड विरुद्धको फाइजर–बायोएनटेक खोप दिन लागिएको छ ।
यो खोप अभियानमा ७६ हजार २३९ जना बालबालिकालाई खोप लगाउने लक्ष्य लिइएको स्वास्थ्य कार्यालयका खोप फोकलपर्सन श्रेष्ठले जानकारी दिनुभयो ।