नेपालगन्जः सिरहा नगरपालिकाको मेयरमा नेकपा एमालेका डा नविन यादव विजयी हुनुभएको छ ।
मेडिकल चिकित्सक उहाँले ११ हजार १४३ मत ल्याएर विजयी भएको निर्वाचन अधिकृतको कार्यालयले जनाएको छ।
उहाँका निकटम प्रतिस्पर्धी नेपाली कांग्रेसका उपेन्द्रकुमार यादवले ८ हजार ७३२ मत ल्याउनुभयो ।
मेयरमा निर्वाचित डा यादव नेकपा एमालेका नेता हेमनारायण यादवका छोरा हुनुहुन्छ । हेमनारायण २०६० साल माघ १९ गते मारिनु भएको थियो ।
सिरहाका निवर्तमान मेयर तथा जसपाका उम्मेदवार अशेश्वर यादव भने तेस्रो स्थानमा धकेलिनुभयो। उहाँले ७ हजार ७५२ मत पाउनुभयो ।
उपमेयरमा एमालेकै वविताकुमारी साह विजयी हुनुभएको छ । उहाँले १० हजार १२६ मत ल्याउनुभयो ।
डा यादव सिरहा सदरमुकाममा क्लिनिक चलाउनुका साथै राजनीतिमा सक्रिय हुनुहुन्छ।
