नेपालगन्जः दाङको बंगलाचुली गाउँपालिका उपाध्यक्षमा स्वास्थ्यकर्मी भक्तबहादुर जिसी निर्वाचित हुनुभएको छ । उहाँ जिसी नेपाली कांग्रेसका उम्मेदवार हुनुहुन्छ । उहाँले ५ हजार ९४५ मत ल्याउनुभएको छ ।

उपाध्यक्षमा निर्वाचित जिसीले नेकपा एमालेकी सरस्वताकुमारी घर्तीलाई भारी मत अन्तरले पराजित गर्नुभएको हो । घर्तीको ३ हजार २६५ मत आएको छ।

उपाध्यक्ष निर्वाचित जिसी सोही गाउँपालिकामा स्वास्थ्य संयोजकका रुपमा कार्यरत हुनुहुन्थ्यो । उहाँनेपाल स्वास्थ्यकर्मी संघ दाङका सदस्य समेत हुनुहुन्छ ।

यसैगरी, जुम्लाको कनकासुन्दरी गाउँपालिकाको अध्यक्षमा स्वास्थ्यकर्मी दामोदरप्रसाद आचार्य निर्वाचित हुनुभएको छ भने सुनसरीकी ३५ वर्षीया स्वास्थ्यकर्मी पुनम चौधरी दुहवी नगरपालिका वडा नं १ मा सदस्य निर्वाचित हुनुभएको छ ।