काठमाडौं: देशभर गएको २४ घण्टामा थप २१ जनामा कोरोना भाइरस संक्रमण पुष्टि भएको छ । यो अवधिमा कसैको पनि संक्रमणका कारण मृत्यु नभएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार ३ हजार ७० जनाको पीसीआर परीक्षणमा १८ जना र ७१८ जनाको एन्टीजेन परीक्षणमा ३ जना गरी २१ जनामा संक्रमण पुष्टि भएको हो । कोरोना संक्रमणबाट निको भएर गत २४ घण्टामा १६ जना डिस्चार्ज भएको मन्त्रालयले जनाएको छ ।
हाल देशभर १८७ जना सक्रिय संक्रमित रहेका छन् ।