नेपालगन्जः नेपालगन्ज उपमहानगरपालिकामा ३९ हजार जनालाई टाइफाइड रोगविरुद्धको खोप लगाइने भएको छ ।
उपमहानगरपालिकाको स्वास्थ्य शाखाका हेल्थ असिस्टेन्ट तेज वलीका अनुसार २३ चैत्रदेखि २८ गतेसम्म खोप संचालन हुनेछ ।
नगरका २३ वटै वडामा गरी १५ देखि ५९ महिनाका बालबालिका १० हजार ३२५ जना र ५–१५ वर्षसम्मका २८ हजार ९०१ जनालाई खोप लगाउने लक्ष्य छ ।
नगरमा सबैभन्दा बढी खोपको वडा नं ४ मा २ हजार ८०९ र वडा नं १८ मा २ हजा ५१५ जनालाई र सबैभन्दा कम वडा नं २३ मा ४२० जनालाई लगाइनेछ ।
टाइफाइड संक्रमण सबै उमेर समूहमा हुने भएपनि १५ वर्ष मुनिका बालबालिकामा भने करिब ११ गुणा बढी संक्रमण भएको पाइएको छ ।
प्रदूषित पानी र खानाको माध्यमबाट टाइफाइड रोग सर्ने चिकित्सकहरु बताउँछन् ।
