नेपालगन्जः लुम्बिनी, कर्णाली र सुदूरपश्चिमका दन्त चिकित्सकहरुको दुई दिने गोष्ठि बर्दियामा सम्पन्न भएको छ । बबई रिसोर्टमा चलेको दुई दिने गोष्ठिको नेपाल डेन्टल एशोसिएसनका केन्द्रीय महासचिव मालव अधिकारीले उद्घाटन गर्नुभएको थियो ।
नेपाल डेन्टल एशोसिएसन बाँकेको आयोजनामा भएको गोष्ठिमा खासगरी दन्त चिकित्सकहरुलाई उनीहरुको सीप अभिबृद्धि गर्ने र दन्त उपचारमा भित्रिएको नयाँ प्रविधिबारे जानकारी गराउने काम भएको एशोसिएसनका बाँके अध्यक्ष डा विश्वनाथ चौधरीले जानकारी दिनुभयो ।
गोष्ठिमा ७० बढी दन्त चिकित्सकहरुको उपस्थिति रहेको थियो । गोष्ठिमा दन्त चिकित्सकहरुको उपचार पद्धतिमा आइरहेका समस्या, चुनौति र निराकरणका उपायकाबारेमा समेत आ–आफ्नो धारणा राख्ने काम गरेका थिए ।