नेपालगन्जः बाँकेमा करिव चार लाख व्यक्तिले हात्तीपाइले रोग विरुद्धको औषधि खाएका छन् ।
गएको फागुन २८ गतेबाट सुरु भएको यो अभियान अन्तर्गत हालसम्म तीन लाख ८९ हजार व्यक्तिले हात्तीपाइले रोगविरुद्धको औषधि सेवन गरेको स्वास्थ्य कार्यालय बाँकेका हात्तीपाइले रोग फोकलपर्सन दुर्गा गौमतले जानकारी दिनुभयो ।
बाँकेमा ५ लाख ६८ हजार व्यक्तिलाई औषधि दिइने लक्ष्य छ । त्यसका लागि ५६० जना स्वास्थ्यकर्मी तथा ७८९ जना महिला स्वास्थ्य स्वयमसेविका अहिलेपनि परिचालन रहेको फोकलपर्सन गौतमले जानकारी दिनुभयो ।
बाँकेमा सबैभन्दा धेरै डुडुवा गाउँपालिकामा ७७ प्रतिशत र सबैभन्दा कम नेपालगन्जका ३९ प्रतिशत मानिसले औषधि सेवन गरेका छन् ।
जानकी गाउँपालिकामा ७३, बैजनाथ गाउँपालिकामा ६४, खजुरामा ६२, कोहलपुरमा ६५, नरैनापुरमा ६०, राप्तीसोनारीमा ५९ प्रतिशत व्यक्तिले औषधि सेवन गरेका छन् । औषधि खुवाउने कार्यक्रम अहिलेपनि चलिहरकोे छ ।
