नेपालगन्जः बाँकेमा आज थप एक सय १५ जनामा कोरोना भाइरस संक्रमण पुष्टि भएको छ ।
एक सय ६० पीसीआर परीक्षणबाट ९३ र दुई सय ४८ एन्टिजेन परीक्षणबाट २२ जना गरी कूल एक सय १५ जनामा भाइरस संक्रमण पुष्टि भएको हो ।
जिल्लाका तीनवटा पीसीआर ल्यावमा ९३ जनामा भाइरस संक्रमण पुष्टि भएको छ । भेरीमा ५७ जना, कोहलपुर मेडिकल कलेजमा ३१ जना र बागेश्वरी ल्यावमा ५ जनामा कोरोना पुष्टि भएको जिल्ला कोभिड १९ व्यवस्थापन केन्द्रका फोकलपर्सन तेज वलीले जानकारी दिनुभयो ।
जमुनाह नाकामा दुई सय ४८ जनाको एन्टिजेन परीक्षण गर्दा २२ जनामा भाइरस संक्रमण पुष्टि भएको छ ।
जिल्लामा समग्र संक्रमण दर ५८ दशमलव १ प्रतिशत रहेको छ । बाँकेमा थप ७८ जना निको भएका छन् । जिल्लामा अहिले सक्रिय संक्रमितको संख्या ९ सय ३४ पुगेको छ ।