नेपालगन्जः बाँकेको कोहलपुरमा आज एकै दिन ४० जनामा कोरोना भाइरस संक्रमण पुष्टि भएको छ ।

कोहलपुर नगरपालिकाले पालिका कार्यालयमा ५३ जनाको एन्टिजेन परीक्षण गरेकोमा ४० जनामा भाइरस संक्रमण पुष्टि भएको स्वास्थ्य शाखा प्रमुख पूर्णबहादुर खड्काले जानकारी दिनुभयो ।

उहाँका अनुसार संक्रमित सबै कोहलपुर क्षेत्रका हुन् । संक्रमण पुष्टि भएकाहरुमा गर्भवती समेत परेका छन् । अधिकांशमा लक्षण चिन्ह देखिएको छ ।

भाइरस संक्रमणको जोखिम बढेसँगै नगरपालिकाले सातामा दुई दिन सोमवार र विहीबार लक्षण चिन्ह देखिएका र संक्रमितको सम्पर्कमा रहेका व्यक्तिहरुको कोरोना जाँच गर्दै आएको छ ।