नेपालगन्जः बाँकेमा आज ठूलो संख्यामा कोरोना संक्रमित थपिएका छन् । जिल्लाका तीनवटा प्रयोगशालामा ८२ जनाको पीसीआर परीक्षण गर्दा २५ जनामा भाइरस संक्रमण पुष्टि भएको हो ।
भेरी अस्पतालमा ३७ नमुना परीक्षण गर्दा १७, मेडिकल कलेज कोहलपुरमा २५ नमुना परीक्षण गर्दा चार जना र बागेश्वरी ल्यावमा २० नमुना परीक्षण गर्दा चार जनामा भाइरस संक्रमण पुष्टि भएको छ ।
आज संक्रमण पुष्टि भएका मध्ये बाँकेका १९ जना छन् । योसँगै बाँकेमा कूल संक्रमितको संख्या १८ हजार ५ सय ५९ पुगेको छ । संक्रमण पुष्टि भएका अधिकांश बजार क्षेत्रका छन् । ने
पालगन्ज, कोहलपुर र खजुराका संक्रमित धेरै रहेको जिल्ला कोभिड १९ व्यवस्थापन केन्द्रका फोकलपर्सन तेज वलीले जानकारी दिनुभयो ।
यस्तै जमुनाह नाकामा अहिलेसम्म १७ जनामा भाइरस संक्रमण पुष्टि भएको छ । एन्टिजेन परीक्षणबाट उनीहरु संक्रमण पुष्टि भएका हुन् ।