नेपालगन्जः नेपालमा कोरोना संक्रमितको संख्यामा दिनदिनै वृद्धि भइरहेको छ ।
पछिल्लो २४ घण्टामा १३ हजार २ सय ६४ जनाको परीक्षण गर्दा ९ सय ४४ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार सोही समयमा २ सय ९७ जना निको भएका छन् । देशभर ६ हजार १ सय ४० जना सक्रिय संक्रमित रहेका छन् ।
पछिल्लो २४ घण्टामा देशभरका २ लाख ४३ हजार ४ सय ६० जनालाई कोरोनाविरुद्धको खोप लगाइएको मन्त्रालयले जनाएको छ ।
अहिलेसम्म कोरोनाको नयाँ भेरियन्ट ओमिक्रोनबाट नेपालका २७ जना संक्रमित भइसकेका छन् ।
