नेपालगन्जः नेपालगन्जको जमुनाहा नाकामा आज मात्र भारतबाट आएका सबैभन्दा धेरै ४६ जनामा कोरोना संक्रमण पुष्टि भएको छ ।
बाँकेका कोरोना फोकल पर्सन तेज वलीका अनुसार भारतका विभिन्न राज्यबाट आएका ४६ जनामा कोरोना संक्रमण पुष्टि भएको हो । एन्टिजिन विधिबाट सात सय ६६ जनामा कोरोना परीक्षण गराउँदा ४६ जनामा संक्रमण पुष्टि भएको हो । तीमध्ये १४ जना महिला र ३२ जना पुरुष रहेका छन् ।
सोमबार यता भारतबाट आएका एक सय ३० जनामा कोरोना संक्रमण पुष्टि भएको छ । उनीहरु सबैलाई बालमन्दिरको आइसोलेसन सेन्टरमा राखिएको छ । ओमिक्रोन प्रभावित भारतका विभिन्न राज्यबाट स्वदेश फर्किरहेका नेपालीहरुमा भाइरस संक्रमण बढी देखिएको छ ।
उनीहरुमा सामान्य रुघाखोकीको लक्षण देखिएको छ । आइसोलेसनमा राखिएका उनीहरुलाई आ आफ्नो जिल्लामा पठाउनेगरी समन्वयको काम भइरहेको पनि ओलीले बताउनुभयो ।
