नेपालगन्जः नेकपा माओवादी केन्द्रका अध्यक्ष पुष्पकमल दाहाल प्रचण्डले प्रत्यक्ष भेटघाट बन्द गर्नुभएको छ ।
कोरोना भाइरसको नयाँ भेरियन्टको जोखिम बढेका कारण उहाँले भेटघाट बन्द गर्नुभएको हो ।
प्रचण्डका स्वकीय सचिव गंगा दाहालले कोरोना संक्रमण तथा स्वास्थ्यकर्मीको सल्लाह अनुसार प्रचण्डले केहि दिनका लागि प्रत्यक्ष भेटघाट बन्द गरेको जानकारी दिनुभएको छ ।
माओवादी केन्द्रीय कार्यालयका केही नेता र कर्मचारीलाई कोरोना भाइरसको संक्रमण देखिएपछि प्रचण्डको सचिवालयले भौतिक रुपमा हुने भेटघाट र बधाई ज्ञापनको कार्यक्रम स्थगित गरिएको जनाएको हो।
माओवादी केन्द्रीय कार्यालयका लेखा प्रमुखसहित ६ जनालाई कोरोना पोजेटिभ देखिएको जनाइएको छ।