नेपालगन्जः बाँकेमा आज थप ३ जनामा कोरोना भाइरस संक्रमण पुष्टि भएको छ । जिल्लाका दुईवटा प्रयोगशालामा ४६ नमुना परीक्षण गर्दा ३ जनामा भाइरस संक्रमण पुष्टि भएको जिल्ला कोभिड–१९ व्यवस्थापन केन्द्रले जनाएको छ ।
भेरी अस्पतालमा ३० नमुना जाँच्दा २ र मेडिकल कलेज कोहलपुरमा १६ नमुना परीक्षण गर्दा १ जनामा कोरोना देखिएको हो ।
संक्रमण पुष्टि भएका तीनै जना बाँकेका हुन् । उनीहरु नेपालगन्ज, कोहलपुर र खजुराका हुन् । संक्रमण पुष्टि भएका २० वर्षदेखि ८३ वर्ष उमेर समूहका छन् ।
योसँगै बाँकेमा कोरोना संक्रमितको संख्या १८ हजार ५ सय ६ पुगेको छ ।
यस्तै थप १ जना डिस्चार्ज भएका छन् । योसँगै जिल्लामा डिस्चार्ज हुनेको संख्या १८ हजार १ सय ४८ पुगेको छ ।
