नेपालगन्जः नेपालगन्जको जमुनाह नाकामा आज ९ जनामा कोरोना भाइरस संक्रमण पुष्टि भएको छ । भारतका विभिन्न ठाउँबाट स्वदेश फर्किरहेका ३ सय ७ जनामा गरिएको एन्टिजेन परीक्षणमा ९ जनामा भाइरस संक्रमण पुष्टि भएको जिल्ला कोभिड १९ व्यवस्थापन केन्द्रका फोकलपर्सन तेज वलीले जानकारी दिनुभयो ।
संक्रमण पुष्टि भएकामा ७ जना पुरुष र २ जना महिला छन् । उनीहरु सबैलाई भेरी अस्पतालको आइसोलेसन वार्डमा राखिएको छ । भारतमा ओमिक्रोन तीब्ररुपमा फैलिरहेकाले उतैबाट आएका नेपालीमा भाइरस संक्रमण देखिएकाले ओमिक्रोनको आशंका गरिएको छ ।
यद्यपी उनीहरुलाई ओमिक्रोन भए नभएको बारे एकिन गर्ने प्रविधि नेपालगन्जमा छैन् । संक्रमण पुष्टि भएका केही बाहिरी जिल्लाका समेत रहेकाले उनीहरुलाई उतै पठाउने तयारी भइरहेको वलीले बताउनुभयो ।