नेपालगन्जः बाँकेमा पछिल्लो २४ घण्टामा कोरोना संक्रमण दर शून्य भएको छ । जिल्लाका तीनवटा प्रयोगशालामा ५६ जनाको नमुना परीक्षण गर्दा कसैलाई पनि कोरोना संक्रमण पोजेटिभ नदेखिएपछि संक्रमण दर शून्य भएको हो ।

भेरी अस्पतालमा १५, मेडिकल कलेज कोहलपुरमा ३२ र बागेश्वरी ल्यावमा ९ जनाको नमुना परीक्षण गर्दा कसैलाई पनि कोरोना नदेखिएको जिल्ला कोभिड–१९ व्यवस्थापन केन्द्रका फोकलपर्सन तेज वलीले जानकारी दिनुभयो ।

बाँकेमा हाल सक्रिय संक्रमितको संख्या ९ जना रहेको वलीले बताउनुभयो । ती मध्ये पाँचजना अस्पतालमा उपचाररत रहेका छन् । उनीहरु मध्यम खाले विरामी भएको उहाँको भनाइ छ ।