कोहलपुर: नेपालगन्ज मेडिकल कलेज शिक्षण अस्पताल कोहलपुरमा कोरोना भाइरस संक्रमित थप एकजना बिरामीको मृत्यु भएको छ । अस्पतालका अनुसार कोहलपुर नगरपालिका १३ का ४१ वर्षिय पुरुषको उपचारका क्रममा मृत्यु भएको हो ।

स्वास्थ्यमा समस्या आएपछि बैशाख १३ गते अस्पताल भर्ना हुनुभएका उहाँको बैशाख १८ गते पीसीआर परीक्षण गरिएको थियो ।स्वास्थ्यमा सुधार नआउँदा उहाँको आज दिउसो २:२० बजे मृत्यु भएको हो ।

योसँगै बाँकेमा कोभिड संक्रमणका कारण जिल्लाकै १७० जनाको हालसम्म मृत्यु भईसकेको जिल्ला कोभिड-१९ संकट व्यवस्थापन केन्द्रले जनाएको छ ।