पोखराः पर्वत, तनहुँ र कास्कीमा गरी चार जना कोरोना भाइरस संक्रमितको मृत्यु भएको छ ।
गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा विनोद विन्दु शर्माका अनुसार गण्डकी प्रदेशअन्तर्गत पर्वतका दुई, तनहुँ र कास्कीका एक-एक जना गरी कुल चार जनाको मृत्यु भएको हो ।
पर्वतको जलजला गाउँपालिका–३ का ६३ वर्षीय पुरुषको वैशाख २३ गते होमआइसोलेसनमा मृत्यु भएको हो ।
पर्वतकै कुश्मा नगरपालिका–९ का ५३ वर्षीय पुरुषको पोखरा स्वास्थ्य विज्ञान प्रतिष्ठानमा वैशाख २३ गते मृत्यु भएको हो ।
तनहुँको व्यास नगरपालिका–१ की ६० वर्षीया महिलाको वैशाख २३ गतै नै मणिपाल शिक्षण अस्पताल पोखरामा मृत्यु भएको छ ।
कास्कीको पोखरा महानगरपालिका–२५ का ६८ वर्षीय पुरुषको पनि मणिपाल शिक्षण अस्पतालमै वैशाख २३ गते मृत्यु भएको हो ।
