काठमाडौं: कोरोना भाइरस संक्रमण तिब्र रुपमा फैलिएपछि त्रिभुवन अन्तरराष्ट्रिय विमानस्थलमा अन्तरराष्ट्रिय उडानमा पनि रोक लगाईएको छ ।
सरकारले कोरोना भाइरस संक्रमण रोकथाम र नियन्त्रणका लागि वैशाख मसान्तसम्म आन्तरिक तथा अन्तर्राष्ट्रिय उडान स्थगन गर्ने निर्णय गरे अनुसार गएराती बाट सबै उडान सेवा बन्द गरिएको हो ।
आन्तरिक उडान भने यसअघि नै बन्द भैसकेका छन् ।वैशाख १९ गते बसेको मन्त्रिपरिषद्को बैठकले संक्रमण नियन्त्रणका लागि वैशाख मसान्तसम्म आन्तरिक तथा अन्तर्राष्ट्रिय उडान स्थगन गर्ने निर्णय गरेको थियो ।
सबै उडान बन्द भएपनि यो समयमा चार्टर्ड तथा उद्धार उडान भने सञ्चालन हुनेछन् ।
