वीरगंज: वीरगंज महानगरपालिकाले आजबाट एक सय बेडको आइसोलेसन सेन्टर सञ्चालनको तयारी गरेको छ ।
महानगरको उपयुक्त स्थानमा अस्थायी कोभिड अस्पताल र आइसोलेसन सेन्टर सञ्चालन गर्ने जिल्ला कोभिड–१९ संकट व्यवस्थापन केन्द्र (डीसीसीएमसी)को मंगलबारको बैठकले गरेको निर्णय अनुसार महानगरपालिकाले अस्थायी कोभिड अस्पताल र आइसोलेसन सेन्टर सञ्चालन गर्न लागेको हो ।
महानगरपालिकाले वीरगञ्ज घडिअर्वास्थित गोपाल मण्डली धर्मशालामा अस्थायी कोभिड अस्पताल र आइसोलेसन सेन्टर तयार गरेको छ ।
महानगर प्रमुख विजय कुमार सरावगीले तिब्र रुपमा फैलिएको कोभिड संक्रमणबाट नगरबासीलाई बचाउन अस्पताल र आइसोलेसन सेन्टर सञ्चालन गर्न लागिएको बताउनुभएको छ ।
कोभिड अस्पतालमा भर्ना भएका संक्रमितलाई अक्सिजन, औषधि लगायत समेत निशुल्क दिने महानगरेको तयारी छ । वीरगञ्जमा दिन प्रतिदिन कोरोना भाइरस संक्रमित बिरामीहरु बढिरहेका छन् ।
