नेपालगन्जः कोरोना भाइरस संक्रमणबाट बाँकेमा थप दुईजनाको मृत्यु भएको छ । नेपालगन्ज उपमहानगरपालिका र बैजनाथ गाउँपालिकाका महिला र पुरुषको भाइरस संक्रमणबाट मृत्यु भएको हो ।
नेपालगन्ज उपमहानगरपालिका-८ की ५५ वर्षीया महिलालाई २१ गते संक्रमण पुष्टि भएको थियो । उनले नेपालगन्ज मेडिकल कलेजमा पीसीआर परीक्षण गराएकी थिइन् । उनी २२ गते भेरीमा भर्ना भएकी थिइन् । उनको उपचारका क्रममा मध्यान्ह १२ बजे मृत्यु भएको हो ।
यस्तै बैजनाथ गाउँपालिका-८ का ३७ वर्षीय पुरुषको पनि भेरीमै मृत्यु भएको छ । ती पुरुषलई गएको ८ गते भाइरस संक्रमण पुष्टि भएको थियो । त्यसपछि उनी होम आइसोलेसनमा बसेका थिए ।
तर अक्सिजन लेभल घट्दै गएपछि उनी १७ गते अस्पताल भर्ना भए । उपचारकै क्रममा आज विहान १०ः३० बजे उनको मृत्यु भएको हो । योसँगै बाँकेमा कोरोनाबाट १६० जनाले ज्यान गुमाएका छन् ।
